No sé per qué el maestro tiene que fé pllorá a mamá dinle que soy dolén y miaja apllicau. A yo me gustan los dibuixos de los llibros, y chugá al recreo con los que no me se’n ríen, y los moñacos que fen con pllastilina, pero no pas que me griten. Cuan don Juaquín me da una zarquinada al tozuelo o me posa cara la paré me’n quiero í corrén enta casa, pero si’l foi papá pillará la vara, como fa con mamá. Per ixo m’he amagau al almario anda que han marchau toz, pa que veiga que me gusta estame a la’scuela y no me calente más.

     Ayer me va di mamá que me llevaría a un’atra, ane los zagals que no saben rematá las cuentas tamé acotolan engardaixos per ixos ferriñals u s’imaginan carotas en las boiras, como foi yo.