Impresiona de repente
ve salí el Sol pe´l Oriente.

Impresionaría más
si salise per detrás,
pero la Tierra é redonda
chafada per las esquinas,
con una cara bollada
y con las tapas prou finas,
asinas que to los días,
casi más ben los maitinos,
sale el Sol pe´l mismo lau,
allá ane campan los chinos.

Cuan sale pe´l horizonte
é tremendo de verdá.

¿Quí sabe si allí detrás
no se i deben de quemá?,
con la montonada grados
de ixos de la calor
que fan a plleno verano,
y más si es llabrador,
pos n´hay que pensá una cosa
pa entendé la situación:
si cuan está allá alto
grados en fa a montón,
¿cuántos no´n debe de fe
cuan baixa pe´l horizonte?,
pos si está a menos altura
más cerca estará del monte.

Ahora é fácil d´entendé
si tenín ixo presente
per qué son tan amarillos
ixos chinos del Oriente.

Resulta que pe´l maitino
cuan el Sol aún está fresco
se llevantan ixa chen
a tomase bel refresco
sin habese percatau
de que los rayos destiñen,
pos aún no s´han secau
y to las caras les tiñen.

Según el razonamiento
que he estau emplleán
tamé tos puedo contá
en las línias de aquí aván
cómo é que son tan negros
los de la roya pilota,
que la tiran a la cesta
dispués que uno la bota,
ixos de ixos estaus
que i llaman americanos,
an me creigo que de críos
matan a toz los enanos.

Resulta que per las tardes
cuan el Sol aún calenta
baixa enta aquellas tierras
de una manera prou lenta,
y como ixos son más llargos
que una semana sin pan,
tanto se acercan al Sol
que se i van achicharrán.

Per ixo en toz los “flims“
que i fan en tilivisión
sale chen de ixa tan negra
como un piazo de carbón.

N´hay per otro lau dos cosas
que no acabo d´entendé,
per qué son de ixa manera
y no de otra, a sabé:
lo primero que no i veigo
ni le trovo espllicación
é per qué sale de día,
si luz ya n´hay a montón.

Resulta que per la noche
que é cuan más falta fa
se queda escondíu en casa
y no mos quiere allumbrá.

Milló mos iría a toz
que salise pe la noche,
pa evitá tantas bombillas
y que la chen no derroche.

Tapoco entiendo pa qué
mos tiene que calentá
tanto cuan llega el verano,
que mos quiere achicharrá.

¿Pos qué no sabe acaso
que de por sí fa calor
cuan pasán mitá de junio,
sin fe falta radiador
ni que encima vienga él
pa acabá de fastidiamos?,
pos no mos quiere fe caso,
y ni sisquiera escuchamos,
y per ixo en invierno
que fa falta de verdá
paece que le de pereza
bellos grados más mandá,
con la honra que farían
entre un güen montón de chen
que pasan la Navidades
con la estufa a más de cien.

Y da rabia, como digo,
lo que acabo de contá,
pos paece que el tío
mos i quiere fastidiá
fen las cosas al revés
de como tienen que sé,
pero ixo u no el vey
u no el quiere veyé.

De todas formas n´hay chen
que no fan más que alabalo,
al igual que otras no dixan
ni un rato de criticalo.

D´estas últimas n´hay prous
y ni los voy a nombrá.

De los primeros n´hay menos
y d´ellos tos voy a habllá.

Pos se vey que n´hay un grupo
de chens prou inteligentes,
de ixas con conocimientos
en cantidades ingentes,
que con unos aparatos
per ane uno se mira
han encontrau una cosa
que cuasi paece mentira.

S´han dau cuenta de que´l Sol
está to lleno de manchas,
y éstas se mueven y corren
a sus aires y a sus anchas.

Asinas que está to puerco
onque paezca estraño
y quieren i a limpialo
antes de que acabe el año,
pa que pa las Navidades
pueda torná a relucí,
pos limpio l´habrán dixáu
de tanto que´l ban a pulí,
y é que prou el aprecian
la chen ésta que tos digo,
que cuasi el quieren tanto
como si fuese un amigo.

Pos han pensáu esta chen,
que tontos no lo son brenca,
que han de i per la noche,
en acabá la jornada,
perque si van per el día
con el calor que allí fa
to los trastos que se lleven
les ne va a sucarrá

Tenín que reconozé
que´l tienen to calculau,
pos hoy en día é la ciencia
milló que´l siglo pasau.

Pa acabá tos contaré
onque no vienga a cuento
que tiengo un güen amigo
que ha comprau un gran invento
que é capaz de fe sol
con unas cuerdas tibantes
pulsanlas cuan corresponde,
ni muy dispués ni muy antes.

Doremí le llamo yo
al invento en custión,
y fa sol si te´l propones
con bella güena intinción,
y pa espllicá cómo el fa
sólo diré que el fa así,
per ixo to´l mundo dice
“Doremí fa sol así“