Ya están aquí otro año
preparaus pa encomenzá
con estas fiestas d´agosto
que se i fan en el llugá,
cinco días desmadraus
pa´l que quiera lloqueá,
u está tranquilo si quiere
bella horota descansá.

Se pilla con illusión
la fiesta al encomenzá,
pero de uno depende
lo ben que pueda acabá,
pos onque en hay prou chen
que tos puede animá,
chen que mira per vusatros
pa fetos partecipá,
está cllaro que é uno mismo
el que tiene que mirá
per toz los medios posiblles
prou güena fiesta pasá.

Pa i preparán los actos
con que podé disfrutá
hen pensau en to la chen
que i roda per el llugá,

en chen chicota, mediana,
y de la tercera edá,
perque pa fe güenas fiestas
con toz tenín que contá.

Con prou illusión l´hen fei,
con la intinción de llegá
a pasá unos cuantos días
que no podán olvidá.

Asinas está to dicho,
la fiesta va a encomenzá,
procuratos divertí
y a disfrutá sin pará,
olvidaz ya la rutina
y a metetos a bailá,
y el que no´n de güena traza
que se pose a braceá.

El estilo é lo de menos,
ninguno s´ha de mirá;
a ninguno pedín cuentas
si se´n va a borracheá.

Pos que pasez güenas fiestas,
que otro año n´habrá más.